Jump to content

كومنز: حيّاك الله

From Wikimedia Commons, the free media repository
This page is a translated version of a page Commons:Welcome and the translation is 100% complete. Changes to the translation template, respectively the source language can be submitted through Commons:Welcome and have to be approved by a translation administrator.

شني هي ويكيميديا كومنز؟

ويكيميديا كومنز هي مستودع لملفات الوسائط، توفّر محتوى تعليميًا من الوسائط المتاحة للملكية العامة أو المرخّصة بشكل حر، مثل الصور والمقاطع الصوتية ومقاطع الفيديو، للجميع، وبلغتهم الخاصة. وتعمل كمستودع مشترك لمختلف مشاريع مؤسسة ويكيميديا، لكن مو ضروري تكون تابع لأحد هالمشاريع حتى تستخدم الوسائط المستضافة هنا. المستودع ما ينشأ ولا تتم إدارته من قِبل موظفين أرشيفيين مدفوعي الأجر، وإنما من قِبل متطوّعين. ونطاق عمل كومنز موضّح بصفحات نطاق المشروع.

تستخدم ويكيميديا كومنز نفس تقنية الويكي المستخدمة في ويكيبيديا، وأي شخص يگدر يعدّل بيها. وعلى عكس ملفات الوسائط اللي تنرفع للمشاريع الثانية، الملفات اللي تنرفع إلى ويكيميديا كومنز يگدرون يضمّنوها بصفحات جميع مشاريع ويكيميديا، من دون الحاجة إلى رفعها بشكل منفصل هناك.

انطلق مشروع ويكيميديا كومنز بتاريخ ٧ أيلول ٢٠٠٤، ووصل إلى المليون الأول من ملفات الوسائط المرفوعة بتاريخ ٣٠ تشرين الثاني ٢٠٠٦، وحاليًا يحتوي على ١٤٩٬٨٨٩٬٢٠١ ملف. وتگدر تلكه معلومات إضافية عن مشروع ويكيميديا كومنز نفسه في إخلاء المسؤولية العام، وفي صفحة ويكيبيديا عن ويكيميديا كومنز، وكذلك في صفحته على ميتا-ويكي.

على عكس مستودعات الوسائط التقليدية، ويكيميديا كومنز حرّة. أي شخص مسموح إله ينسخ ويستخدم ويعدّل أي ملف موجود هنا بحرية، بشرط يلتزم بالشروط اللي يحددها المؤلف؛ وغالبًا هذا يعني ذكر المصدر والمؤلف أو المؤلفين بشكل مناسب، وإتاحة النسخ أو التحسينات للآخرين بنفس درجة الحرية.

وتگدر تلكه شروط الترخيص الخاصة بكل ملف وسائط بشكل منفصل بصفحة وصف الملف. أما قاعدة بيانات ويكيميديا كومنز نفسها والنصوص الموجودة بيها، فهي مرخّصة بموجب رخصة المشاع الإبداعي النَسب-المشاركة بالمثل 4.0.

ولمعلومات أكثر عن إعادة الاستخدام، راجع Commons:Reusing content outside Wikimedia وCommons:First steps/Reuse.

سَاهِم

تگدر تطوّر ويكيميديا كومنز بأفضل شكل إذا تساهم بالشي اللي إنت تگدر تسويه بأحسن صورة:

ساهم بشغلك

إذا إنت مصوّر زين، لا تتردد وتساهم بصورك الغالية. وإذا إنت مصمّم زين، شوف شنو المخططات والرسوم المتحركة اللي المشروع محتاجها بشكل كبير.

شارك بخبرتك

بس مو ضروري ترفع ملفاتك الخاصة. أكو هواية أعمال ثانية مهمّة جدًا تگدر تساهم بيها:

شارك بوگتك

مو اله تكون فنّان، أو زين بكتابة نصوص المساعدة. إذا تحس نفسك زين بترتيب الفوضى وتنظيمها، فإحنا نحتاج إيدك للمساعدة!

جولة

سجّل حسابك

حتى تگدر ترفع ملفات على ويكيميديا كومنز، لازم تكون مسجّل دخول. تگدر تسجّل من خلال رابط «تسجيل الدخول / إنشاء حساب» الموجود بالزاوية الفوگانية اليمنى، وتختار اسم مستخدم راح يستخدم بكل عمليات الرفع والتعديلات اللي تسويها على الصور والنصوص.

أما إذا بس تريد تعدّل على الصفحات، فما تحتاج تكون مسجّل دخول (مع إن التسجيل يُفضَّل). وإذا عندك حساب بويكيبيديا أو بأي مشروع ثاني من مشاريع ويكيميديا، فأنت أصلًا مسجّل بكومنز.

دليل الخطوات الأولى

ملف المساعدة الخاصة بالخطوات الأولى والأسئلة الشائعة راح يفيدوك هواي بعد التسجيل. يشرحون إلك شلون تخصّص الواجهة (مثل اللغة)، وشلون ترفع الملفات، وكذلك سياسة الترخيص الأساسية عدنا.

ما تحتاج مهارات تقنية حتى تشارك هنانة. لا تتردد بالمشاركة، وافترض حسن النية بنوايا الآخرين. هذا ويكي — والموضوع سهل كلش.

معلومات أكثر متوفرة في بوابة المجتمع. وتگدر تسأل أسئلتك بمضخة القرية أو على قناة IRC‏ #wikimedia-commons webchat.

الملفات الموجودة على ويكيميديا كومنز مصفطة وي تصنيفات ومعارض. وتگدر تباوع نظرة عامة على التصنيفات اللي نستخدمها من خلال الصفحة الرئيسية.

حط مربعات Babel بصفحة حسابك حتى يعرفون الناس شنو اللغات اللي تگدر تحچي بيها، وبيّن موهبتك بالرسوم والتصميم. كل الملفات اللي ترفعها تنخزن بـ معرضك الشخصي.

رجاءً وقّع باسمك بصفحات النقاش عن طريق كتابة ~~~~. وإذا دا تنسخ ملفات من مشروع ثاني، تأكد تستخدم مستورد الملفات (FileImporter).

خدمات وبرامج إلخ

إذا تريد ترفع چثير من الصور، أكو چثير أدوات لرفع الملفات تگدر تستخدمها، مثل VicuñaUploader. وإذا تريد معلومات معينة عن الأدوات المستخدمة لعرض محتوانا أو تعديله، شوف صفحة البرامج وصفحة الأدوات.

نتمنى تستمتع بوجودك هنانا وتگضي وكت حلو.